Лукашэнка, Ярмошына, Карпянкоў і міліцыянеры… За абразу і «распальванне варожасці» маладзечанцу далі 4 гады калоніі
У Мінскім абласным судзе 11 чэрвеня завяршыўся судовы працэс па крымінальнай справе ў дачыненні да жыхара горада Маладзечна Дзяніса Сырца. Судзілі яго за каментары ў мясцовым тэлеграм-чаце «Молодечно для жизни Chat», паведамляюць праваабаронцы.
Дзяніса прызналі вінаватым у распальванні нянавісці да міліцыі, у абразе службовых асоб і прэзідэнта, і прысудзілі да 4 гадоў калоніі ва ўмовах агульнага рэжыму. Таксама ён павінен выплаціць пацярпелым маральныя кампенсацыі. Прысуд Дзянісу вынес суддзя Тулейка, а дзяржабвінаваўцам, які папрасіў менавіта такі тэрмін, выступіў Шаравар.
Пацярпелымі прызнаныя маладзечанскія міліцыянты і гарадзенская супрацоўніца АМАП, а таксама і публічныя персоны — Лукашэнка, Ярмошына і Карпянкоў. Не ўсе з пацярпелых прыйшлі паўдзельнічаць у працэсе.
Працэс праходзіў 9 і 10 чэрвеня, а 11 вынеслі прысуд.
У Дзяніса Сырца ёсць дзве дачкі — 15 гадоў і 4 гады. Як распавяла жонка Дзяніса, малодшая дачка думае, што тата ў камандзіроўцы.
11 чэрвеня суддзя Мінскага абласнога суда Тулейка прызнаў Дзяніса Сырца вінаватым па ўсіх трох артыкулах і прысудзіў яго да пазбаўлення волі тэрмінам на чатыры гады калоніі ва ўмовах агульнага рэжыму. А таксама на карысць кожнага пацярпелага, які заявіў пазоў аб маральных пакутах, спагнаць з Дзяніса Сырца па 1000 рублёў.
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся23
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары