НПЗ «Нафтан» у трэцім квартале плануе захаваць загрузку на бягучым узроўні і перапрацаваць каля 2 млн тон расійскай нафты.
Пра гэта паведаміў «Інтэрфаксу» намеснік генеральнага дырэктара НПЗ па вытворчасці Сяргей Алтухоў.
«У трэцім квартале аб'ём нафтаперапрацоўкі складзе каля 2 млн тон. Не думаю, што ў трэцім квартале сітуацыя будзе адрознівацца ад другога. Нічога незвычайнага на прадпрыемстве не адбываецца, усё працуе», — сказаў Алтухоў.
Паводле яго слоў, цяпер «прадпрыемства працуе з планавай загрузкай, нафтаперапрацоўка складае парадку 680 тыс. тон у месяц».
Ён таксама паведаміў, што «ў цяперашні час працягваецца працэс арганізацыі паставак нафты на трэці квартал зыходзячы з нашага бізнэс-плана, ідзе ўзгадненне па аб'ёмах з Мінэнерга Расіі і пастаўшчыкамі».
«Для трэцяй дэкады месяца гэта нармальная сітуацыя», — дадаў намеснік гендырэктара.
Раней паведамлялася, што ў адпаведнасці з графікам паставак нафты з РФ на ліпень — верасень, з якім азнаёміўся «Інтэрфакс», у трэцім квартале не прадугледжана паставак на «Нафтан», толькі 2,36 млн тонаў на Мазырскі НПЗ. У другім квартале ў графіку былі ўказаны пастаўкі на Наваполацкі НПЗ і Мазырскі НПЗ у аб'ёме па 2,25 млн тонаў.
Інтэрфакс: Расія не збіраецца ў ліпені-верасні пастаўляць нафту ў Наваполацк
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары