Прэзідэнт Кітая Сі Цзіньпін папярэдзіў, што замежным дзяржавам «разаб'юць галовы», калі яны паспрабуюць запалохаць яго краіну ці паўплываць на яе. Пра гэта ён заявіў на мерапрыемстве, прысвечаным стагоддзю кіруючай Камуністычнай партыі, паведамляе BBC.
«Мы ніколі не дазволім нікому запалохваць, прыгнятаць або падпарадкоўваць Кітай. Любым, хто адважыцца зрабіць гэта, разаб'юць галовы да крыві аб Вялікую Сталёвую сцяну, створаную больш чым 1,4 мільярдамі кітайцаў».
Сі Цзіньпін гаварыў каля гадзіны і, сярод іншага, заявіў, што Кампартыя іграе цэнтральную ролю ў росце краіны і што спробы аддзяліць яе ад народа пацярпяць няўдачу.
«Толькі сацыялізм можа выратаваць Кітай, і толькі сацыялізм з кітайскімі асаблівасцямі можа развіць Кітай», — сказаў ён.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»15
Каментары