У найбліжэйшы час у Еўропе непазбежны рост колькасці заражэнняў індыйскім штамам каранавіруса (варыянтам «Дэльта»). Пра гэта, выступаючы на пленарным пасяджэнні Еўрапарламента ў Страсбургу, заявіў прэм'ер-міністр Славеніі Янэз Янша.
Ён заклікаў краіны ЕС быць гатовымі да магчымай чацвёртай хвалі пандэміі.
«Мы вельмі ўважліва сочым за аднаўленнем грамадскага жыцця, але таксама рыхтуемся да патэнцыйнай чацвёртай хвалі, паколькі не хочам, каб яна кінула нам выклік восенню, як у мінулым годзе», — сказаў Янша.
Па словах прэм'ера, чацвёртая хваля «зноў паралізуе» Еўропу, і ўлады павінны засяродзіцца на тым, як падрыхтавацца да патэнцыйнага крызісу. У той жа час, адзначыў Янша, ён настроены аптымістычна, паколькі лічыць, што еўрапейская стратэгія вакцынацыі працуе.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары