Былы міністр Лінкявічус апублікаваў відэа, як беларускія памежнікі гоняць мігрантаў
Былы міністр замежных спраў Літвы Лінас Лінкявічус апублікаваў відэа, дзе сцвярджаецца, што беларускія памежнікі са шчытамі гоняць мігрантаў, якія знаходзяцца паміж памежнымі слупамі, у бок мяжы Літвы.
«Мігранты былі ўцягнутыя ў Беларусь у якасці турыстаў, а цяпер іх прымусова штурхаюць на тэрыторыю ЕС. Але яны разумеюць, што для гэтай аферы ўжо позна», — піша Лінкявічус.
У телеграм-канале Дзяржаўнага мытнага камітэта пазней з'явіўся каментар наконт гэтага. У ведамстве заявілі, што ўсё адбывалася на мінулым тыдні.
«На кадрах відаць, што ўцекачы знаходзіліся ля нашай мяжы і не рухаліся ў Беларусь нават пры адсутнасці беларускіх памежнікаў. Гэта даказвае той факт, што яны не мелі намер рухацца на тэрыторыю нашай краіны», - робіць высновы Дзяржпамежкамітэт.
Дзеянні сілавікоў называюць «аператыўным прыкрыццём рэзервам Смаргонскай памежнай групы для «прадухілення незаконнага перасячэння мяжы з Літвы».
«З відэа зразумела, што фізічная сіла да ўцекачоў беларускім бокам не ўжывалася», — запэўніваюць у беларускім памежным ведамстве. Там таксама паведамілі, што замежнікі знаходзілася ля мяжы каля 8 дзён пасля чаго сышлі ў глыб тэрыторыі Літвы.
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары