У Чарнагорыі прайшлі пратэсты перад інаўгурацыяй новага кіраўніка праваслаўнай царквы
У суботу ў былой сталіцы Чарнагорыі Цэцінэ пратэстоўцы сутыкнуліся з сотнямі спецназаўцаў. Удзельнікі пратэсту збудавалі барыкады з шын і камянёў напярэдадні інаўгурацыі новага кіраўніка Сербскай праваслаўнай царквы ў Чарнагорыі. Пра гэта са спасылкай на АР паведамляе «Радыё Свабода».
Цырымонія, запланаваная на нядзелю ў Цэтынэ, выклікала гнеў праціўнікаў сербскай царквы ў Чарнагорыі, якая абвясціла незалежнасць ад суседняй Сербіі ў 2006 годзе.
У суботу сотні пратэстоўцаў сутыкнуліся з паліцыяй у Цэтынэ і на кароткі час знялі металічную агароджу вакол кляштара, дзе павінна адбыцца інаўгурацыя мітрапаліта Іаанікія. Чарнагорскае дзяржаўнае тэлебачанне RTCG паведаміла, што пратэстоўцы прарвалі паліцэйскую блакаду на ўездзе ў Цэтынэ і закідалі іх камянямі з крыкамі «Гэта Чарнагорыя!» і «Гэта не Сербія!».
Чарнагорцы застаюцца глыбока падзеленымі адносна сувязяў сваёй краіны з суседняй Сербіяй і з Сербскай праваслаўнай царквой, якая з'яўляецца галоўным рэлігійным інстытутам краіны. Каля 30% з 620 тысяч жыхароў Чарнагорыі лічаць сябе сербамі.
Тысячы людзей пратэставалі ў мінулым месяцы, патрабуючы, каб інаўгурацыя адбылася ў іншым месцы. Царква адмовілася мяняць свае планы.
З таго часу, як Чарнагорыя аддзялілася ад Сербіі, чарнагорцы, якія выступаюць за незалежнасць, выступаюць за ўтварэнне праваслаўнай царквы, асобнай ад сербскай.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ6
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары