Арменія, Азербайджан, Казахстан і Малдова ўжо выставілі сваіх коней.
Лідэры краін СНД запрошаны 18 ліпеня на скачкі, якія пройдуць у Маскве на Цэнтральным іпадроме. Пра гэта паведамляе расійская газета «Ведомости» са спасылкай на крыніцу ў Крамлі.
Паводле слоў крыніцы, гэтай сустрэчы не будзе надавацца статус нефармальнага саміта СНД. «Палітычны падтэкст мерапрыемства па максімуме зведзены на нішто: хто цікавіцца скачкамі, той і прыедзе», — зазначыла крыніца.
У той жа час, падкрэслівае газета, іншы супрацоўнік адміністрацыі прэзідэнта Расіі заўважыў, што любыя мерапрыемствы, у рамках якіх адбываюцца неафіцыйныя зносіны такіх статусных людзей, можна разглядаць як нефармальны саміт.
Паводле звестак «Ведомостей», свой удзел пакуль пацвердзілі прэзідэнты Арменіі, Азербайджана, Казахстана, Таджыкістана і Малдовы. Усе гэтыя краіны, за выключэннем Таджыкістана, выставілі на скачкі сваіх коней.
Паводле неафіцыйнай інфармацыі, удзел у мерапрыемстве таксама возьмуць прэзідэнты Паўднёвай Асеціі і Абхазіі.
Як паведаміла расійская газета, чакаецца таксама прыезд у Маскву прэзідэнта Беларусі Аляксандра Лукашэнкі, аднак у прэс‑службе беларускага кіраўніка гэтую інфармацыю пакуль не пацвярджаюць.
«Тых, хто даедзе да Масквы, чакаюць шчодрыя падарункі, — пішуць «Ведомости».Сёння Дзярждума ратыфікуе дагавор аб антыкрызісным фондзе ЕўрАзЭС. Траншы з фонду, 7,5 млрд. долараў у які ўклала Расія, паводле слоў дэпутата Дзярждумы, пойдуць найперш у Беларусь і Кіргізію. Мінску, заявіў на мінулым тыдні міністр фінансаў Аляксей Кудрын, ужо абяцана 500 млн. долараў. Аб намерах накіраваць заяўкі на атрыманне крэдыту паведамлялі Таджыкістан і Арменія».
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары