Крэмль ацаніў шанцы падпісання пагадненняў на заўтрашняй сустрэчы Пуціна і Лукашэнкі
Па выніках прызначанай на 9 верасня сустрэчы Уладзіміра Пуціна і Аляксандра Лукашэнкі падпісання якіх-небудзь пагадненняў аб інтэграцыі дзвюх дзяржаў не плануецца.
Пра гэта заявіў журналістам прэс-сакратар Пуціна Дзмітрый Пяскоў, піша РБК.
«Не, наколькі я ведаю, дакументы (падпісваць) не плануецца, але яшчэ раз паўтару: будзе прэс-канферэнцыя, і кіраўнікі дзяржаў інфармуюць пра тэмы, якія яны абмяркоўвалі», — сказаў Пяскоў, адказваючы на адпаведнае пытанне.
Таксама Пяскоў заявіў, што Расія не ставіць пытанне аб прызнанні Беларуссю Крыма, гэта — суверэнная справа любой краіны. Такім чынам ён адказаў на пытанне, ці будзе Уладзімір Пуцін на перамовах ставіць пытанне аб прызнанні Крыма.
Сёння Лукашэнка на сустрэчы са старшынёй Камітэта нацбяспекі Казахстана Карымам Масімавым сказаў, што на сустрэчы з Пуціным абмяркуе сітуацыю ў Еўразійскім эканамічным саюзе і асабліва сітуацыю, звязаную з Афганістанам.
***
Раней беларускі пасол у Расіі Уладзімір Сямашка казаў, што ў рамках перамоваў 9 верасня Пуцін і Лукашэнка падпішуць «дарожныя карты» і «карты развіцця паглыблення інтэграцыі». Пасля пасольства Беларусі выдала заяву, у якой сказала, што Пуцін і Лукашэнка азнаёмяцца з вынікамі працы над праграмамі інтэграцыі і прымуць рашэнне па далейшых крокаў».
1 верасня Аляксандр Лукашэнка заявіў, падпісаць дарожныя карты плануецца на Вышэйшым дзяржсавеце ў кастрычніку-лістападзе.
«Калі мы дамовімся канчаткова з прэзідэнтам Расіі 9-га, то 10-11-га ўрады збяруцца, разгледзяць, прымуць гэтыя праграмы. А потым мы зацвердзім на Вышэйшым дзяржсавеце», — сказаў тады Лукашэнка.
Цяпер чытаюць
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю2
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары