Фазэль: Ці былі абдымкі з дыктатарам Лукашэнкам самай вялікай памылкай у кар'еры? Так
Швейцарац сыходзіць з пасады кіраўніка Міжнароднай федэрацыі хакея. З гэтай нагоды ён даў інтэрв’ю, у якім яго спыталі і пра перанесены з Мінска чэмпіянат свету.
— Ці сапраўды абдымкі з Аляксандрам Лукашэнкам былі самай вялікай памылкай у вашай кар'еры?
— Так. Думаю, я павінен гэта прызнаць. Усё гэта рабілася з добрымі намерамі, але ў рэшце рэшт усё проста пайшло крыва, — сказаў Фазэль.
Нагадаем, Мінск быў пазбаўлены права на правядзенне чэмпіянату свету па хакеі 2021 года.
Турнір павінен быў прайсці ў Рызе і Мінску з 21 мая да 6 чэрвеня ў 2021 годзе. Пры гэтым Латвія яшчэ ў верасні адмовілася прымаць чэмпіянат разам з Беларуссю.
11 студзеня Рэнэ Фазээль прыляцеў у Беларусь, дзе сустрэўся з Аляксандрам Лукашэнкам. Неўзабаве прэзідэнт ІІХФ таксама заявіў, што правесці чэмпіянат у Мінску будзе вельмі складана.
Кампаніі Skoda, Nivea і Liqui Moly адмовіліся спансіраваць турнір, калі ён пройдзе ў Беларусі.
Цяпер чытаюць
«Я асасін, бл*!» Эксперт-юрыст з СТБ неадэкватна паводзіў сябе на Зыбіцкай. Відэа сабрала мільёны праглядаў — хто ён12
Каментары