У Шчучынскім раёне дзяўчынкі 10 і 12 гадоў абрабавалі краму. Так яны адпомсцілі бацькам, якія забаранілі ім сябраваць
У Шчучынскім раёне дзве непаўналетнія сяброўкі, ва ўзросце 10 і 12 гадоў, затаіўшы крыўду на сваіх бацькоў, якія забаранілі ім сябраваць, дачакаліся паўночы, выбраліся са сваіх дамоў праз вокны. Пра здарэнне піша гродзенская міліцыя.
Затым, узброіўшыся нажамі, школьніцы рушылі да адной з прыватных прадуктовых крам, размешчаных у іх маленькім аграгарадку.
Адна з непаўналетніх прынялася нажом выразаць адтуліну ў пластыкавых дзвярах, другая ж стаяла і свяціла ліхтарыкам. Калі з першымі дзвярыма было скончана і адтуліна была патрэбных памераў, адна з іх прасунула руку і адкрыла замок дзвярэй, пасля чаго сяброўкі прыняліся за другія дзверы.
Апынуўшыся ўнутры крамы, дзяўчынкі здзейснілі буйны крадзеж: бралі ў асноўным прадукты харчавання і цацкі, але на гэтым не спыніліся, прыхапіўшы з сабой бутэльку гарэлкі, шампанскага і 20 блокаў цыгарэт.
Усяго з крамы было выкрадзена каля 20 пакетаў з прадуктамі харчавання на агульную суму каля 200 рублёў. Са здабытымі пакетамі сяброўкі накіраваліся ў падвал дома адной з іх, дзе вырашылі адчуць сябе канчаткова дарослымі і выпілі трохі скрадзенай гарэлкі, пасля чаго ляглі спаць.
Цяпер бацькам дзяўчынак прыйдзецца адказваць за дробнае хуліганства і наўмыснае знішчэнне або пашкоджанне чужой маёмасці.
Чытайце таксама: Камітэт дзяржкантролю пацвердзіў затрыманне ўласніка гандлёвых цэнтраў. Хутчэй за ўсё, гэта Віталь Сініцкі
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары