Сем жанчын у двухмеснай камеры, 188 затрыманых: жанчына здолела расказаць пра ўмовы ўтрымання палітычных на Акрэсціна на сёння
Увечары 29 верасня ў мінскай Каменнай Горцы затрымалі 33-гадовую Вікторыю Сароку. Яна разам з суседзямі выйшла ў двор на вуліцы Калеснікава на акцыю пратэсту супраць дыктатуры Аляксандра Лукашэнкі.
Наляцела міліцыя, усе паспелі схавацца, акрамя Вікторыі.
У Фрунзенскім РУУСе на дзяўчыну склалі пратакол за «ўдзел у несакцыянаваным шэсці з БЧБ-сцягамі і лозунгам «Жыве Беларусь» (арт. 24.23 КаАП). Справу Вікторыі 30 верасня разглядзела суддзя Таццяна Полулех.
Мінчанка на судзе адмовілася даваць паказанні, паведамляе «Вясна».
Міліцыянт на судзе сцвярджаў, што ўдзельнікі акцыі ўцяклі, а засталася толькі Вікторыя — яе і затрымалі. Міліцыянт таксама дадаў, што ў яе быў «прыгожы плакат з сэрцам, кулаком і знакам V». Cуддзя Полулех прызнала Вікторыю вінаватай і пакарала яе 13-сутачным арыштам.
Па словах Вікторыі, міліцыянт, які яе затрымаў, выходзіў з пад’езда дома.
Сарока ў судзе паспела расказаць, што цяпер на Акрэсціна знаходзяцца 188 чалавек, а саму яе змясцілі ў двухмесную камеру, дзе акрамя яе сядзяць яшчэ шэсць жанчын.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары