«Украінская праўда»: З 1 лістапада Украіна пачне імпарт электраэнергіі з Беларусі
З 1 лістапада Украіна плануе пачаць імпарт электрычнай энергіі з Рэспублікі Беларусь. Пра гэта «Украінскай праўдзе» паведаміла крыніца ў Міністэрстве энергетыкі, у самім ведамстве інфармацыю катэгарычна абвяргаюць.
Магутнасць ліній электраперадач, якія вядуць у абедзве краіны, складае 900 МВт. Паводле звестак крыніцы, з іх плануецца задзейнічаць мінімум палову.
Гэтыя пастаўкі закліканы дапамагчы Украіне выйсці з энергетычнага крызісу, у якім краіна апынецца ў канцы кастрычніка — пачатку лістапада, калі чакаецца ўнутраны рост попыту на электраэнергію. Задаволіць яго за кошт унутраных вытворцаў энергіі краіна не здольная праз праваленую праграму па назапашванні вугалю.
Паводле звестак Мінэнерга, у выпадку палітычнай адмовы Беларусі прадаваць электраэнергію Украіна з высокай ступенню верагоднасці будзе вымушана пачаць штучнае абмежаванне ўнутранага спажывання.
Першымі пад катэгорыю абмежаванняў патрапяць прамысловыя спажыўцы: ім будзе прапанавана добраахвотнае скарачэнне аб'ёмаў спажывання на 10—20%.
«Калі добраахвотнага скарачэння не адбудзецца, прамысловасць будзе абмежаваная прымусова», — кажа крыніца.
У прэс-службе міністэрства выданню абверглі інфармацыю аб магчымым імпарце з Беларусі.
«Для планавага праходжання ацяпляльнага сезона ў Мінэнерга пытанне камерцыйнага імпарту з Расіі і Беларусі не разглядаецца. Мінэнерга звярталася ў Нацыянальную камісію, якая ажыццяўляе дзяржаўнае рэгуляванне ў сферах энергетыкі і камунальных паслуг, з прапановай забароны імпарту з Расіі і Беларусі.
Што тычыцца стану назапашвання вугалю, то павялічаны амаль у 2 разы ў жніўні графік назапашвання прадугледжвае магчымасць устойлівага праходжання асенне-зімовага перыяду ў самых крытычных умовах. Фінансавая магчымасць генерацыі для закупкі вугалю стабілізаваная. Што было зроблена, у прыватнасці, для павелічэння імпарту вугалю. Пытанні добраахвотнага або прымусовага абмежавання спажывання электраэнергіі не стаяць на парадку дня».
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося4
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
Каментары