Адвакатку Наталлю Мацкевіч адхілілі ад працы. Яна бараніла Бабарыку і Ціханоўскага
Адвакатку Наталлю Мацкевіч адхілілі ад працы, супраць яе ў Мінюсце распачалі дысцыплінарную вытворчасць.
Пра гэта Радыё Свабода паведаміў былы суддзя Аляксандр Дзядок, сына якога — палітвязня Мікалая Дзядка — апошнім часам абараняла адвакатка.
Сама Наталля Мацкевіч ад каментара адмовілася. «Пакуль нічога казаць не буду», — сказала яна.
Паводле Аляксандра Дзядка, ён валодае дакладнай інфармацыяй, што Наталлю Мацкеівч ад працы ўжо адхілілі:
«Стаіць пытанне пра пазбаўленне яе ліцэнзіі. У майго сына ў выніку ўвогуле прававая катастрофа — ён падчас судовага следства другі раз застаецца без абароны. Спачатку пазбавілі ліцэнзіі Яўгена Маслава, цяпер пад такой жа пагрозай Наталля Мацкевіч. Тыдзень таму яна яшчэ змагла наведаць сына ў СІЗА на Валадарскага, планавалі, што наведае ўчора, а тут такая праблема. Лічу, што гэта мэтанакіраванае пазбаўленне права на абарону людзей, якія непажаданыя рэжыму», — сказаў Аляксандр Дзядок.
Наталля Мацкевіч працуе ў Мінскай гарадской калегіі адвакатаў, абараняла шмат каго з палітвязняў, у тым ліку Віктара Бабарыку і Сяргея Ціханоўскага.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі21
Каментары