«Мы сустрэлі тут шмат смелых людзей»: пасол Францыі пакідае Беларусь
МЗС Беларусі пацвердзіла, што пасол Францыі Нікаля дэ Лякост не завяршыў працэдуру ўступлення на пасаду, Мінск паведаміў Парыжу аб заканчэнні тэрміну згоды на яго прызначэнне. Таксама пасол Беларусі ў Францыі адкліканы ў Мінск для кансультацый.
Ад’езд пасла быў вынікам нежадання Парыжа ўручаць даверчыя граматы Аляксандру Лукашэнку.
На сайце пасольства Францыі з'явілася пасланне Нікаля дэ Лякоста беларускаму народу.
«Дарагія сябры! Дазвольце мне сёння адправіць вам развітальнае пасланне. Нам з жонкай, на жаль, давядзецца пакінуць Беларусь. Як вы ведаеце, Францыя не прызнала вынікі выбараў 9 жніўня 2020 года, і я не ўручаў свае даверчыя граматы.
Мы правялі тут цяжкія, але незабыўныя дні. У нас было шмат цікавых сустрэч і адкрыццяў. Мы сустрэлі шмат смелых і моцных духам людзей. Мы з жонкай адкрылі для сябе шчодрасць Беларусі і беларусаў. Вы назаўжды застаняцеся ў нашых думках. Ведайце, што мы застанёмся побач з вамі. Мы заклікаем вас ніколі не губляць надзею на лепшыя дні. Убачымся хутка!» — гаворыцца ў пасланні.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары