Палітвязняў, што адбываюць тэрмін у калоніі, асудзілі яшчэ і за здзек са сцяга
Палітвязняў Іллю Патрушава і Віктара Шмігельскага, якія ўжо адбываюць пакаранне, зноў асудзілі. На гэты раз — за здзек з дзяржаўнага сцягу, паведамляюць праваабаронцы.
У судзе Жлобінскага раёна вынесены прысуд па крымінальнай справе пра здзек з дзяржаўных сімвалаў (арт. 370 КК РБ). На лаве падсудных — двое мясцовых жыхароў: палітвязні Ілля Патрушаў і Віктар Шмігельскі. У сакавіку ім ужо прысудзілі па тры гады калоніі за ўдзел у акцыях пратэсту ў Жлобіне пасля выбараў.
Згодна з матэрыяламі абвінавачвання, у верасні 2020 года Патрушаў і Шмігельскі знялі з аддзялення «Белпошты» дзяржаўны сцяг і зайшлі ў найбліжэйшы двор, дзе «працягвалі абразлівыя дзеянні ў дачыненні да дзяржаўнага сімвала».
Суддзя Наталля Качалава прызнала іх вінаватымі і прызначыла па аднаму году «хіміі» кожнаму.
Па сукупнасці пакаранняў, палітвязням прысудзілі два гады і восем месяцаў калоніі. Такім чынам, да ранейшага пакарання дадалося яшчэ два месяцы калоніі.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары