«Мы цябе рыхтавалі — адпрацуй 10 гадоў». Лукашэнка патрабуе вырашыць праблему адтоку медыкаў за мяжу
Аляксандр Лукашэнка сёння наведаў у Оршы гарадскую бальніцу №1 імя Сямашкі. Падчас наведвання ён выказаўся наконт праблемы недахопу медыцынскіх работнікаў і іх адтоку за мяжу. Па яго словах, больш за ўсё ў Беларусі не хапае анэстэзіолагаў-рэаніматолагаў.
«Ты за бясплатна падрыхтаваў анестэзіёлагаў-рэаніматолагаў, — звярнуўся Лукашэнка да міністра аховы здароўя Дзмітрыя Піневіча. — І нават калі не за бюджэт, а платна-капейкі плацяць. У нас наогул бясплатнае адукацыю, а там, дзе плацяць, гэта ў 10 разоў менш, чым у Амерыцы ці Германіі».
«Мы яго бясплатна падрыхтавалі, ён махнуў нам рукой і паехаў зарабляць. Тут ёсць праблема, і ты мне павінен унесці ў новым годзе прапанову, аж да драконаўскіх метадаў, — даў Лукашэнка заданне міністру. — Прыйшоў ва ўніверсітэт вучыцца — прыйшоў, скончыў. Мы цябе рыхтавалі, да прыкладу, адпрацуй 10 гадоў.
Потым хочаш кудысьці з’ехаць — аплаці нам кошт таго, што мы цябе вучылі, і едзь. Або хай тыя заплацяць, куды ты паедзеш. Тады з’ехаў і з’ехаў-прыйшлі маладыя, новыя. Нам трэба паставіць усе кропкі над «і». У новым годзе ты павінен унесці прапановы».
Дадаткова Лукашэнка паабяцаў для медыкаў сярэднія заробкі ў 2 тысячы рублёў.
«Дзве тысячы менш нельга. Узровень гэтых заробкаў для дактароў трэба захаваць. Яны пойдуць у нас у бюджэтнай сферы як лакаматыў па зарплаце, будзем і настаўнікаў падцягваць. Не можа быць краіны без доктара і настаўніка. Гэта наша сапраўдная інтэлігенцыя», — сказаў ён.
Пры гэтым, у 2020-м годзе сярэдні налічаны заробак медыкаў у Беларусі склаў 1144,1 рублі, у дактароў — 1881. Праўда, як правіла, гэта праца не на адну стаўку.
Нагадаем, цяпер пасля сканчэння медыцынскага ўніверсітэта медыкі павінны адпрацаваць, як і ўсе маладыя спецыялісты, — 2 гады.
Усяго ж у Беларусі, па дадзеных агульнарэспубліканскага банка вакансій, не хапае каля 10 тысяч медработнікаў.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма5
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары