Стань донарам роднай мовы: стартаваў марафон агучвання беларускіх сказаў
10 лістапада пачаўся другі Марафон агучвання беларускіх сказаў, да якога кожны можа далучыцца за 3 простыя крокі.
- Зайсці на сайт donar.by.
- Пачаць агучваць або праслухоўваць ужо агучаныя сказы.
- Пры жаданні стварыць профіль донара беларускай мовы і атрымаць сертыфікат.
Цягам месяца галасы беларусаў будуць збірацца для адкрытай калекцыі Common Voice, каб удасканаліць механізм распазнавання беларускага маўлення і навучыць камп'ютары разумець нашу мову. Дзякуючы гэтаму ў будучыні можна будзе па-беларуску карыстацца галасавым пошукам, а ваш смартфон ці пыласос будуць разумець беларускую мову і каманды на ёй.
Таксама гэтым разам галасы патрэбныя і для новага праекта say.by — «Мова прафесіі». Удзельнікам прапануецца агучваць заданні для інтэрактыўнага навучання беларускай мове ў розных прафесійных сферах: у абслугоўванні, у кол-цэнтрах, медыцыне, кавярнях, крамах, на запраўках, у IT і нават піваварэнні.
Таксама плануецца абраць «донара беларускай мовы №1». Хто гэта будзе — Якуб Колас, Уладзімір Караткевіч, Рыгор Барадулін ці, можа быць, Ларыса Геніюш, — вырашаць удзельнікі марафону.
Першы такі марафон са слоганам «Будучыня беларускай мовы ў тваім голасе» адбыўся паўгода таму. У ім узялі ўдзел тысячы беларусаў, якія агучылі 237 тысяч сказаў з Вікіпедыі і мастацкай літаратуры, было сабрана 356 гадзін беларускага маўлення. Усяго за месяц беларусы абагналі ўсе суседнія краіны на міжнароднай пляцоўцы Common Voice.
Цяпер мэта новага марафону — сабраць 1000 гадзін беларускага маўлення і агучыць усе сказы для «Мовы прафесіі», цікава і з карысцю пабавіць час.
Удзельнічаць у марафоне можна з 10 лістапада па 10 снежня 2021 года.
Напрыканцы 300 самых актыўных «донараў беларускай мовы» чакаюць сімвалічныя падарункі.
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
-
Восем анлайн-сэрвісаў для вывучэння беларускай мовы на прасунутым узроўні
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары