Кіраўніка партыі БНФ рыхтуюць да аперацыі. Ён ужо сем месяцаў, з 12 красавіка, знаходзіцца пад арыштам.
З СІЗА КДБ у турэмны шпіталь перавялі лідара партыі БНФ Рыгора Кастусёва, якога затрымалі ў красавіку разам з Аляксандрам Фядутам і Юрасём Зянковічам. Усіх трох абвінавачваюць у падрыхтоўцы да «замаху» на Лукашэнку, паведамляе «Радыё Свабода».
«Кастусёў шпіталізаваны, яго рыхтуюць да аперацыі», — распавяла адвакатка палітвязня Інэса Аленская.
У верасні з'явілася інфармацыя аб пагаршэнні стану здароўя Рыгора Кастусёва: у яго падазрэнне на анкалогію і патрэбная тэрміновая аперацыя, як казала яго дачка. Таксама ў верасні Кастусёў перанёс кавід.
Нядаўна стала вядома, што на маёмасць Рыгора Кастусёва наклалі арышт. У спіс увайшлі дзве кватэры — сямʼі і бабулі, лецішча і машына.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары