Барты з рэгістрацыяй EW-438PA і EW-543PA ў Стамбуле «страцілі» беларускую рэгістрацыю EW, здабыўшы Сан-Марынскую T7-438 і ірландскую EI-GYP рэгістрацыі, пасля чаго іх перагналі ў аэрапорты Вонсдрэхта і Остравы.
У гэтых гарадах знаходзяцца базы па абслугоўванні самалётаў і туды часта прылятаюць барты для перадачы паміж уладальнікамі, паведамляе тэлеграм-канал «Ад вінта. Авіяцыя Беларусі».
Зрэшты адмова ад самалётаў цалкам ўпісваецца ў канцэпцыю аптымізацыі выдаткаў перавозчыка, выкліканую санкцыямі з боку ЕС. Але ёсць верагоднасць, што лізінгавыя кампаніі Air Lease Corporation і SMBC Aviation Capital запатрабавалі іх вярнуць. Акрамя MAX і Embraer E2 (абодва тыпы ў лізінгу ў ALC), бартоў у гэтых лізінгавых кампаній ў «Белавія» больш няма.
Раней беларуская авіякампанія ўжо адправіла тры новыя самалёты Embraer у Казахстан.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах6
Каментары