Метро да «Слуцкага гасцінца» і вада з падземных крыніц: мінскія дэпутаты зацвердзілі планы на пяцігодку
Праграму сацыяльна-эканамічнага развіцця сталіцы на 2021-2025 гады зацвердзілі дэпутаты Мінгарсавета сёння на чарговай сесіі, піша БелТА.
Паведамляецца, што праект распрацаваны з улікам палажэнняў рэспубліканскай праграмы на пяцігодку і дзяржаўных праграм сацыяльна-эканамічнай накіраванасці.
Так сярэдні заробак «бруднымі» да 2025 года павінен скласці 109,1% да ўзроўню 2021 года.
Інвестыцыі ў асноўны капітал у 2025 годзе да 2020 павінны вырасці на 22,4% (штогод дадаючы), сукупныя паступленні даходаў кансалідаванага бюджэту Мінска — на 54,8%.
Запланаваны ўвод у эксплуатацыю 3 млн квадратных метраў жылля, плануецца развіццё сеткавага бізнэсу ў сферы грамадскага харчавання. Прадпрыемствы бытавога абслугоўвання па тыпе мультысэрвісных кропак будуць пераважна стварацца на базе буйных гандлёвых цэнтраў. З'явіцца каля ста такіх новых аб'ектаў.
У 2022 годзе на шэрагу вуліц дадаткова ўладкуюць выдзеленыя палосы для грамадскага транспарту. У 2023 годзе плануецца запусціць рух па ўчастку трэцяй лініі метро ад станцыі «Кавальская Слабада» да «Слуцкага гасцінца». Працягнецца пераход на электрычныя экалагічныя віды грамадскага транспарту.
У дамах заменяць звыш 1,5 тысяч ліфтаў. Таксама паведамляецца, што будзе ажыццёўлены стоадсоткавы перавод на водазабеспячэнне з падземных крыніц.
Каментары