Грамадства

Казахстан папрасіў дапамогі ў АДКБ. Якія беларускія войскі могуць паехаць разганяць пратэсты?

Вечарам прэзідэнт Казахстана Касым Жамарт Такаеў у сваім выступленні назваў пратэстуючых «тэрарыстычнымі бандамі» і дадаў, што яны бяруць пад кантроль буйныя аб'екты інфраструктуры ў краіне. Такаеў заявіў таксама, што пратэстоўцы захапілі аэрапорт ў Алмаце, а таксама 5 самалётаў, у тым ліку і замежных. Ён назваў падзеі ў Казахстане «знешняй агрэсіяй» і папрасіў дапамогі ў АДКБ.

Па яго словах, «тэрарыстычныя групоўкі» прайшлі падрыхтоўку за мяжой, менавіта таму, маўляў, Казахстану і патрэбна дапамога ў пераадоленні «тэрарыстычнай пагрозы».

«Зварот да партнёраў па АДКБ лічу дарэчным і своечасовым», — заявіў ён.

Па інфармацыі «Эха Масквы», гаворка ідзе пра ўзгадненне прыбыцця сілавікоў з Расіі і Беларусі для падаўлення пратэстаў.

Каго з беларускіх сілавікоў могуць адправіць у Казахстан, калі Беларусь адгукнецца на просьбу Такаева?

Вайскоўцы 103-й гвардзйскай паветрана-дэсантнай брыгады на вучэннях АДКБ. Фота: Мінабароны

У 2009 годзе на базе АДКБ былі створаныя Калектыўныя сілы аператыўнага рэагавання для супрацьдзеяння надзвычайным сітуацыям, а таксама вайсковай агрэсіі, тэрарызму, арганізаванай злачыннасці і наркатрафіку.

Кожная краіна-удзельніца АДКБ мае сваіх прадстаўнікоў, ад Беларусі гэта 103-я гвардзейская паветрана-дэсантная брыгада, якая размяшчаецца ў Віцебску, яе байцы прымалі ўдзел у вучэннях АДКБ. Таксама брыгада мае міратворчую роту.

Як стала вядома «Нашай Ніве», на дадзены момант байцоў не рыхтуюць да адпраўкі ў Казахстан. Калі гэта і будзе зроблена, то найхутчэй абіраць будуць з кантрактнікаў.

У ліпені 2021-га Таджыкістан прасіў дапамогі АДКБ у ахове мяжы з Афганістанам, калі ўладу там захапілі талібы. Але тады сілы саюзных войскаў не задзейнічалі.

Дапоўнена

Пасля апоўначы стала вядома, што краіны-ўдзельніцы АДКБ усё ж вырашылі накіраваць у Казахстан міратворчыя сілы.

Чытайце таксама: АДКБ накіруе міратворчыя сілы ў Казахстан

Меркаванне: Варта Назарбаеву было своечасова сысці, і ён застаўся б у гісторыі пазітыўным персанажам

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку13

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць