Нацбанк прагназуе сярэднегадавое значэнне стаўкі рэфінансавання ў межах 9-10% гадавых. Пра гэта распавёў першы намеснік старшыні праўлення Нацыянальнага банка Сяргей Калечыц на пашыраным пасяджэнні праўлення, піша БелТА.
«У 2022 годзе працэнтная палітыка па-ранейшаму будзе арыентаваная на падтрыманне працэнтных ставак фінансавага рынку на станоўчым узроўні ў рэальным выражэнні. Пры гэтым не выключаецца, што па меры запавольвання інфляцыі і пры адсутнасці новых шокаў у эканоміцы працэнтныя стаўкі на крэдытна-дэпазітным рынку пачнуць паступова зніжацца. Што тычыцца стаўкі рэфінансавання, прагназуецца, што яе сярэднегадавое значэнне ў 2022 годзе складзецца ў межах 9-10% гадавых», — сказаў Сяргей Калечыц.
Нацбанк у мінулым годзе на фоне паскарэння інфляцыі двойчы прымаў рашэнне аб павышэнні стаўкі рэфінансавання.
З 21 ліпеня 2021 года яна на ўзроўні 9,25% гадавых.
Стаўка рэфінансавання — стаўка Нацбанка Рэспублікі Беларусь, якая з'яўляецца базавым інструментам рэгулявання ўзроўню працэнтных ставак на грашовым рынку. Яна, напрыклад, служыць асновай для працэнтных ставак па аперацыях, што прадастаўляюцца банкам.
Цяпер чытаюць
Новы старшыня Канстытуцыйнага суда адправіў сына вучыцца на разведчыка ў акадэмію ГРУ. А як пачалася вайна, хутчэй забраў з Расіі20
Каментары