Еўрасаюз увёў санкцыі супраць 351 расійскага парламентарыя, які прагаласаваў за прызнанне «ДНР» і «ЛНР», а таксама супраць 27 фізічных і юрыдычных асобаў. ЕС таксама абмяжуе доступ Расіі да фінансавага рынку і рынку капіталу Еўрапейскага саюза.
Краіны Еўрасаюза прынялі рашэнне прыняць новы пакет санкцый у адказ на прызнанне Расіяй незалежнасці самаабвешчаных Луганскай і Данецкай «народных рэспублік». Пра гэта заявіў кіраўнік дыпламатыі Еўрасаюза Жазэп Барэль.
Новыя санкцыі, якія «моцна ўдараць па Расеі», былі аднагалосна адобраныя ўсімі краінамі ЕС, адзначыў Барэль.
Са слоў Барэля, у санкцыйны спіс уключаныя 27 фізічных і юрыдычных асоб, у тым ліку банкі і арганізацыі, якія фінансуюць аперацыі Расіі на Данбасе, а таксама 351 дэпутат Дзярждумы, які прагаласаваў за незалежнасць «ДНР» і «ЛНР».
Еўрасаюз таксама прыняў рашэнне абмежаваць доступ Расіі да фінансавага рынку і рынку капіталу Еўрасаюза.
Наколькі гэтыя санкцыі будуць для Расіі балючымі, а адпаведна эфектыўнымі, можна будзе сказаць толькі калі стануць цалкам вядомыя іх падрабязнасці.
Беларусь пакуль толькі папярэдзілі. Але афіцыйны Мінск, паводле словаў Барэля, у выпадку падтрымкі дзеянняў Расіі таксама атрымае новыя санкцыі.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»26
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары