Асабістыя адносіны паміж амерыканскім і расійскім генераламі — тое, на чым заснаваная далікатная аперацыя, якую вядуць амерыканскія ваенныя. Яны спрабуюць не даць найвялікшай за доўгі час вайне ў Еўропе перарасці ў яшчэ больш страшны канфлікт.
Гаворка ідзе пра генерала Марка Майлі, кіраўніка аб’яднанага камітэта начальнікаў штабоў, і пра генерала Валерыя Герасімава, кіраўніка Генштаба Узброеных сіл Расіі. Майлі і Герасімаў не кантактавалі паміж сабой пасля пачатку расійскага ўварвання ва Украіну, але ў Пентагоне спадзяюцца, што іх добрыя адносіны дапамогуць усталяваць лепшыя кантакты паміж Масквой і Вашынгтонам, піша Politico.
Прадстаўнік Пентагона, з якім гутарылі журналісты, звяртае ўвагу вось на што. Цяпер, калі ідзе барацьба за ўкраінскую паветраную прастору, амерыканскія афіцэры хацелі б атрымаць канал для аператыўнага абмену інфармацыяй з расійскім бокам. Лічыцца, што такі кантакт мог бы быць заснаваны на адносінах паміж Майлі і Герасімавым.
Магчымасць камунікацый робіцца яшчэ больш важнай, бо ў апошнія дні амерыканскія дыпламаты атрымалі загад устрымлівацца ад кантактаў з расійскімі калегамі. Паралельна з гэтым у апошнія 48 гадзін Вашынгтон і Масква спынілі перамовы па стратэгічнай стабілізацыі, накіраваныя на прыпыненне канфлікту.
У той жа час з пагаршэннем канфлікту толькі павялічваецца рызыка прамой канфрантацыі паміж НАТА і Расіяй. Амерыканскія стратэгі не вельмі ўпэўненыя ў тым, чаго жадае Пуцін і ці збіраецца ён атакаваць тэрыторыю краін НАТА. Любыя такія дзеянні закрануць Артыкул 5 дамовы НАТА, згодна з якім напад на адну краіну НАТА азначае напад на ўсе краіны альянсу.
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава6
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4444
Каментары