«На жаль, знайшліся». Мінабароны Расіі прызнала ўдзел салдат тэрміновай службы ў вайне ва Украіне
«На жаль, знайшліся некалькі фактаў прысутнасці вайскоўцаў тэрміновай службы ў частках расійскіх Узброеных cіл, якія ўдзельнічаюць у правядзенні спецыяльнай ваеннай аперацыі на тэрыторыі Украіны», — гаворыцца ў паведамленні міністэрства.
Расійскія салдаты ў Скадоўску на Херсоншчыне
Ведамства сцвярджае, што практычна ўсе такія вайскоўцы ўжо выведзеныя на тэрыторыю Расіі.
Тое, што салдаты тэрміновай службы апынуліся ў палоне, расійскі бок тлумачыць нападам «дыверсійнай групы нацбатальёна» на адно з падраздзяленняў, якое выконвала задачы тылавога забеспячэння.
Некалькі дзён таму пра адсутнасць салдатаў тэрміновай службы і рэзервістаў на вайне ва Украіне заяўляў Уладзімір Пуцін.
Каментары