У польскім Карошчыне кіроўцы 15 гадзін чакаюць уезду ў Беларусь
Каля 15 гадзін чакаюць кіроўцы грузавікоў, каб выехаць з Польшчы ў Беларусь праз памежны пункт у Карошчыне (вядзе на Берасцейшчыну). У чарзе стаяць каля 450 аўто. Пра гэта паведаміў прэс-сакратар Палаты падатковай адміністрацыі ў Любліне Міхал Дэрусь.
За апошнюю 12-гадзінную змену паліцэйскія прапусцілі 190 грузавікоў. У паліцэйскім участку ў Бяла-Падлясцы расказалі, што чарга з грузавікоў, якія чакаюць перасячэння мяжы, была даўжынёй каля 14 км.
Дэрусь паведаміў, што на ўездзе ў Польшчу было прапушчана 173 аўтамабілі, на беларускім баку ў чарзе стаяць каля 150 машын, а час чакання складае каля 10 гадзін.
У сувязі з міграцыйным крызісам пункт перасячэння мяжы ў Кузніцы быў зачынены 9 лістапада мінулага года. Таму кіроўцы мусяць кіравацца да грузавых памежных пераходаў у Карошчыне ці Баброўніках.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары