78 самалётаў расійскіх авіякампаній былі арыштаваныя за мяжой з-за санкцый
Расійскія авіякампаніі страцілі 78 самалётаў — іх арыштавалі за мяжой з-за санкцый супраць Расіі. Пра гэта распавёў кіраўнік Мінтранса РФ Віталь Савельеў, піша meduza.io.
Паводле яго слоў, арышты лайнераў расійскіх авіякампаній адбыліся ў тым ліку ў «дружалюбных краінах» — у Турцыі, Азербайджане і Арменіі. Да гэтага ў 111 перавозчыкаў краіны было 1367 самалётаў.
Расія спрабуе дамовіцца з заходнімі лізінгавымі кампаніямі аб выкупе самалётаў, але тыя не ідуць на перамовы, распавёў Савельеў. Таму авіяпарк пачалі пераводзіць у расійскі рэестр. Там ужо апынуліся, па даных міністра, амаль 800 лайнераў.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру8
Каментары