Канцэрн Renault прыпыняе ўсе аперацыі ў Расіі. Хоць трымаўся да апошняга
Пра прыпыненне прысутнасці французскага аўтавытворцы на расійскім рынку паведамляецца на сайце кампаніі. Гэта адбылося пасля крытыкі кампаніі з боку ўкраінскай улады і закліку да яе байкоту, з якім выступіў міністр замежных спраў Украіны.
Renault кантралюе «АўтаВАЗ», а таксама мае ўласны зборачны завод пад Масквой.
«Што тычыцца долі ў Аўтавазе, Renault Group ацэньвае даступныя варыянты з улікам бягучай сітуацыі, дзейнічаючы пры гэтым адказна ў дачыненні да сваіх 45 000 супрацоўнікаў у Расіі», — гаворыцца ў заяве кампаніі.
Раней Renault застаўся адзіным буйным сусветным аўтавытворцам, які не адразу спыніў продажу ў Расіі і меў намер захаваць вытворчасць у краіне. Але цяпер Расія краіна настолькі «таксічная», што ўсе прыбыткі ад супрацоўніцтва з ёй перакрываюцца буйнымі рэпутацыйнымі стратамі.
Сёння прэзідэнт Украіны Уладзімір Зяленскі звярнуўся да парламента Францыі і заклікаў французскія кампаніі, у прыватнасці Renault, сысці з расійскага рынку. Як выглядае, кампанія палічыла за лепшае прыслухацца.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары