Будзе вялікая бітва за Данбас. Такую выснову можна зрабіць з заяваў украінскіх і заходніх чыноўнікаў
У прыватнасці, кіраўнік МЗС Украіны Дзмітрый Кулеба заявіў: «Бітва за Данбас набліжаецца. Кожны дзень цяжкія баі адбываюцца ў той частцы Украіны. І іх колькасць будзе павялічвацца, на жаль», — сказаў ён падчас брыфінгу ў Бруселі.
Украінскі міністр падкрэсліў, што бітва за Данбас будзе нагадваць Другую сусветную з буйнымі аператыўнымі манеўрамі і тысячамі танкаў, самалётаў і бронетэхнікі.
Генеральны сакратар НАТА Енс Столтэнберг сказаў:
«Мы чакаем вялікай бітвы на Данбасе, вялікага рускага наступу. Менавіта таму саюзнікі сёння адзначылі неабходнасць неадкладна аказаць дадатковую дапамогу Украіне», — дадаў генеральны сакратар.
«Бітва за Данбас зараз будзе ключавой у нашай Айчыннай вайне. Мы ж выстаялі ў бітве за Кіеў, за Харкаў, Чарнігаў, Сумы, Мікалаеў і многія іншыя. Армія трымае Марыупаль. Але далейшы ход вайны з Расіяй вызначыць менавіта бітва за Данбас», — кажа кіраўнік Офісу прэзідэнта Украіны Ярмак.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе47
Каментары