Начальнік украінскай разведкі — пра даты бітвы за Данбас і верагоднасць мяцяжу генералаў супраць Пуціна
Начальнік разведкі Міністэрства абароны Украіны генерал Кірыл Буданаў даў вялікае інтэрв'ю ў эфіры нацыянальнага тэлемарафона. Асноўныя яго заявы прыводзіць Украінская служба ВВС.
Расія рыхтуецца правесці бітву за Данбас да Вялікадня, гэта значыць да 24 красавіка. «Рускія рыхтуюцца да вырашальнай для іх бітвы. Яны моцна спяшаюцца, таму што вельмі абмежаваныя ў часе. Яны хочуць паспець атрымаць хоць нейкую стратэгічную перавагу і тактычны поспех. Яны спяшаюцца да Вялікадня».
Украіна гатовая зламаць планы РФ. «Нічога ў іх не ўдасца. Магчымыя пэўныя тактычныя перамогі, але гэта часова».
Аб Марыупалі. «Я ўпэўнены, што нашы абаронцы не здадуцца, будуць абараняцца да апошняга. Марыупаль будзе дэблакаваны і вызвалены».
Украіна хутка адпомсціць вінаватым у злачынствах у Бучы. «Украіна не ваюе з грамадзянскім насельніцтвам праціўніка, але злачынцы, якія гэта зрабілі [злачынствы ў Бучы. — HH], будуць усе пакараныя. Пэўныя эпізоды, я спадзяюся, вы ўбачыце ўжо даволі хутка».
У Расіі малаверагодны «мяцеж генералаў» супраць Уладзіміра Пуціна. «Для таго, каб гэта адбылося, патрэбна постаць сапраўднага лідара сярод генералаў. Насамрэч, цяпер у Расіі такіх, на жаль для нас, няма. Але тэарэтычна гэта магчыма».
Пра нібыта збіццё ўкраінскага транспартнага самалёта з замежнай зброяй. «Аб такім факце мне асабіста не вядома. Я не пацвярджаю такія даныя [Міністэрства абароны Расіі. — НН]».
Пра ядзерны ўдар Расіі. «Супакойцеся ўсе, гэта выключна пагрозы з боку РФ. Нават тэхнічна гэта не вельмі проста зрабіць. Вельмі малаверагодна, што Пуцін на гэта пойдзе».
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях6
Каментары