«Ліквідаваныя непаразуменні з мінулага» — Зяленскі і прэзідэнт Нямеччыны правялі тэлефонныя перамовы
Уладзімір Зяленскі правёў тэлефонныя перамовы з прэзідэнтам Германіі Франк-Вальтэрам Штайнмаерам. Але ці дамовіліся наконт візіту, дакладна невядома.
Падчас 45-хвіліннай гутаркі Штайнмаер запэўніў Зяленскага, што той можа разлічваць на поўную падтрымку Германіі. У канцылярыі нямецкага прэзідэнта адзначылі, што падчас гутаркі з Зяленскім былі ліквідаваныя «непаразуменні з мінулага».
У сваю чаргу канцлер Германіі Олаф Шольц заявіў у інтэрвʼю часопісу Stern, што санкцыі супраць Расіі могуць быць адмененыя толькі пасля ўзгаднення з Украінай. На яго думку, у Крамлі «гэтага яшчэ не ўсвядомілі», піша «Новая газета. Еўропа».
Раней амбасадар Украіны ў Берліне назваў Шольца «пакрыўджанай лівернай каўбасой» за тое, што ён не паехаў у Кіеў пасля адмовы ўкраінскіх уладаў прыняць у сярэдзіне красавіка Штайнмаера.
Шольц заявіў, што адмова прыняць у Кіеве Штайнмаера перашкаджае кіраўніку ўрада ФРГ наведаць рэспубліку. «Так рабіць нельга. Не павінна быць так, што краіне, якая аказвае столькі ваеннай і эканамічнай дапамогі, якая патрэбная для гарантый бяспекі, гэтак важных у будучыні, кажуць: прэзідэнту нельга прыязджаць», — заявіў ён.
Прэзідэнт Украіны Уладзімір Зяленскі адмовіўся сустракацца з прэзідэнтам ФРГ Штайнмаерам. Ён збіраўся адправіцца ў Кіеў разам кіраўнікамі Польшчы, Латвіі, Эстоніі і Літвы, каб выказаць падтрымку ўкраінскаму народу. «Відаць, у Кіеве гэтага не хацелі», — заявіў Штайнмаер.
Прэс-сакратар прэзідэнта Украіны Сяргей Нікіфараў пракаментаваў выданню «Краіна» вынікі размовы Зяленскага са Штайнмаерам.
«Магу паведаміць адно: мінулае засталося ў мінулым. Дамовіліся факусавацца на будучым», — адзначыў Нікіфараў. Больш падрабязна тэмы гутарак двух прэзідэнтаў ён каментаваць адмовіўся.
Паведамленне нямецкіх СМІ пра тое, што Зяленскі запрасіў Штайнмаера ў Кіеў, Нікіфараў не пацвердзіў, але і не абверг.
-
Луўр часова закрылі з-за пратэстаў. Студэнты заблакавалі ўваход у музей.
-
«Да новай сустрэчы, наш мілы хлопчык. Мы будзем любіць цябе вечна». Сіндзі Кроўфард упершыню выказалася пра смерць сына
-
ЗША прыгразілі Еўропе разбуральнымі мерамі ў адказ у выпадку абмежаванняў для Starlink пры размеркаванні частот
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні10
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары