Знакаміты партрэт Мэрылін Манро работы Эндзі Уорхала прадалі за рэкордныя $195 млн
Адзін з серыі партрэтаў актрысы, створаны Эндзі Уорхалам у 1960-х, прададзены на аўкцыёне Christieʼs за 195 мільёнаў даляраў.
Створаная ў тэхніцы шаўкаграфіі карціна, вядомая як «Блакітная Мэрылін» (Shot Sage Blue Marilyn), устанавіла рэкорд акцыйнай цаны для твораў мастацтва, створаных у XX стагоддзі.
Арганізатары таргоў, паведамляе CNN, чакалі, што фінальная цана лота будзе «ў раёне 200 мільёнаў даляраў».
Па звестках Bloomberg, новым уладальнікам карціны стаў арт-дылер Лары Гагасян.
У аснову серыі партрэтаў Мэрылін Манро, створаную Уорхалам, лёг промаздымак актрысы для фільма «Ніягара».
«Блакітную Мэрылін» выставілі на аўкцыён калекцыянеры са Швейцарыі Томас і Дорыс Аман — заснавальнікі галерэі Thomas Ammann Fine Art. Усе атрыманыя ад продажу сродкі яны збіраюцца накіраваць на дабрачыннасць.
Цяпер чытаюць
Новы старшыня Канстытуцыйнага суда адправіў сына вучыцца на разведчыка ў акадэмію ГРУ. А як пачалася вайна, хутчэй забраў з Расіі20
Каментары