Большасць мінчан не хочуць, каб іх дзеці вучыліся ў ПТВ ці працавалі на дзяржпрадпрыемстве; сярод саміх выпускнікоў школ такое жаданне прысутнічае толькі ў 1%.
Пра гэта паведаміў са спасылкай на звесткі сацдаследавання старшыня камітэта па адукацыі Мінгарвыканкама Уладзімір Шчэрба 28 жніўня на форуме педагагічных работнікаў Мінска.
Ён адзначыў, што пры выбары прафесіі моцная, а часта з’яўляецца вырашальнай пазіцыя бацькоў. Аднак нярэдка яны прад’яўляюць школе запыты, якія не адпавядаюць патрэбам рынку працы і сацыяльна‑эканамічнай сферы горада. Паводле звестакапытання, толькі 19% бацькоў зрабілі свядомы выбар прафесіі разам са сваімі дзецьмі, астатнія сумняваюцца ці не ведаюць, куды накіраваць дзіця вучыцца.
Шчэрба адзначыў, што 75% выпускнікоў мінскіх агульнаадукацыйных устаноў паступаюць у ВНУ.
Паводле слоў старшыні камітэта, штогод з устаноў адукацыі Мінска «адсейваюцца» 400 чалавек, з першага месца працы звальняюцца 300 чалавек. У студзені ў службе занятасці сталіцы ў якасці беспрацоўных было зарэгістравана 785 выпускнікоў агульнаадукацыйных школ, устаноў прафадукацыі, сярэдніх навучальных устаноў і ВНУ.
Паводле меркавання чыноўніка, неабходна ўзмацніць працу па прафарыентацыі, якая павінна ажыццяўляцца комплексна, з роўным удзелам усіх зацікаўленых бакоў — бацькоў, работадаўцаў, сацыяльных службаў.
Шчэрба паведаміў, што Мінгарвыканкам мае намер заняцца пытаннем арганізацыі для школьнікаў экскурсій прафарыентацыйнага зместу.
«Дзеці фактычна не ўяўляюць сабе, што такое сучасная вытворчасць, навуковыя ўстановы, прадпрыемствы лёгкай і харчовай прамысловасці, камунальныя прадпрыемствы і так далей», — сказаў ён.
Прадстаўнік Мінгарвыканкама таксама заявіў пра мэтазгоднасць распрацоўкі гарадскога міжведамаснага праекта па прафарыентацыі школьнікаў.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары