20.10 Прыбылі чацьвёра пажарнікаў і з дапамогаю пажарнага рыштунку ўзламалі другія дзьверы ў кватэру. Міліцыя шукае панятых сярод суседзяў для правядзеньня ператрусу і па-ранейшаму не прапускае нікога з журналістаў.
Журналістаў не пускаюць у сенцы, дзе знаходзіцца ўваход у кватэру.
Фота Юліі Дарашкевіч
20.10
Прыбылі чацьвёра пажарнікаў і з дапамогаю пажарнага рыштунку ўзламалі другія дзьверы ў кватэру. Міліцыя шукае панятых сярод суседзяў для правядзеньня ператрусу і па-ранейшаму не прапускае нікога з журналістаў.
19.30
Як перадае наш карэспандэнт, мэталічныя вонкавыя дзьверы ў кватэру Елавой узламалі аўтагенам. Цяпер, ужо доўгі час, узломваюцца другія дзьверы.
❏
17.50
Да кватэры Тацяны Елавой пад’ехала яшчэ адна група сілавікоў. Журналістаў не пускаюць у сенцы, дзе знаходзіцца ўваход у кватэру. Пры спробе прайсьці на месца падзеі, журналіст «НН» Зьміцер Панкавец быў жорстка адштурхнуты малодшым лейтэнантам Андрэем Кацюшчэнкам.
Нагадаем, сёньня ў кватэру моладзевай актывісткі Тацяны Елавой прыйшлі супрацоўнікі ў цывільным, але ў кватэры нікога не было. Тады з працы была прымусова дастаўленая маці актывісткі, яе імя таксама Тацяна. На патрабаваньне міліцыянтаў адчыніць дзьверы жанчына адказала, што ня мае пры сабе ключоў. У хуткім часе Тацяна адчула недамаганьне – у яе ішэмічная хвароба сэрца. “Хуткая дапамога” паставіла дыягназ “нейрацыркулярная дыстанія”, медработнікі паведамілі, што ў гаспіталізацыі няма патрэбы. Сярод людзей ў цывільным ёсьць супрацоўнік КДБ, які паказаў пасьведчаньне работнікам “хуткай дапамогі”.
Адначасова ў кватэры сясьцёр Кацярыны і Алены Казак, якія былі затрыманыя падчас акцый БУНТу ў Віцебску, таксама быў вобшук, падчас якога забралі кампутар. Саміх сясьцёр павезьлі ў КДБ.
Алена, маці траіх дзяцей, якія засталіся дома без нагляду, скарділася на дрэннае самаадчуваньне: тэмпература каля 39 С, абвастрылася хвароба нырак.
Таксама праводзіцца ператрус у кватэры актывісткі Тацяны Дзядок. Тацяна Дзядок была адной з абаронцаў намётавага мястэчка, адседзела 10 сутак на Акрэсьціна. Узначальвае Першамайскую раённую арганізацыю АГП.
-
«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення
-
У Ляхавічах школьнік падчас футбольнага матча вывеў на табло нецэнзурнае слова. Як яму гэта ўдалося?
-
На папцы ў Святланы Ціханоўскай цяпер партрэт палітзняволенага журналіста Андрэя Пачобута ФОТА
Каментары