Колькасць бежанцаў з Украіны перавысіла адзнаку ў 6,7 мільёна чалавек
Паводле абноўленых звестак Упраўлення Вярхоўнага камісара ААН па справах бежанцаў, з Украіны з пачатку вайны, з 24 лютага па 26 мая, выехалі ў суседнія краіны 6 700 411 чалавек.
Украінскія бежанкі ў Польшчы. Фота: Sergei Grits / AP
Пры гэтым плынь уцекачоў працягваецца. Паводле звестак арганізацыі, толькі за апошнія суткі краіну пакінула 41 тыс. чалавек.
Больш за ўсё ўкраінцаў прыняла Польшча — больш за 3,5 мільёнаў чалавек. У Румынію выехала больш за 984 тысячы чалавек, у Венгрыю — больш за 665 тысяч, у Малдову — больш за 476 тысяч, у Славакію — больш за 451 тысячу. У той жа час у Беларусь — «толькі» больш за 29 тысяч.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы62
Каментары