Зяленскі прыязджаў у Харкаў, вакол якога працягваюцца баі. Гэты візіт сімвалічны
Гэта быў першы выезд украінскага прэзідэнта за больш чым тры месяцы вайны далёка за межы Кіева. У горадзе ён правёў нараду аб аднаўленні дамоў і інфраструктуры, наведаў разбураныя кварталы горада, узнагародзіў вайскоўцаў.
«Хачу падзякаваць кожнаму з вас за службу. Вы рызыкуеце сваім жыццём дзеля ўсіх нас і нашай дзяржавы. Дзякуй вам за абарону незалежнасці Украіны. Беражыце сябе!» — сказаў Зяленскі вайскоўцам.
І паабяцаў: «Усё адновім, адбудуем, напоўнім жыццём».
Старшыня Харкаўскай АВА праінфармаваў прэзідэнта, што цяпер 31% тэрыторыі вобласці акупавана, а 5% украінскія войскі вызвалілі ад расійскіх захопнікаў.
Візіт Зяленскага, паколькі ён першы з пачатку вайны за межы Кіеўшчыны — сімвалічны. Гэта адзначае карэспандэнт «Бі-бі-сі» Джо Інвуд:
«Тое, што Зяленскі змог прыехаць у Харкаў, паказвае, наколькі змянілася сітуацыя ў горадзе. Яшчэ некалькі тыдняў таму візіт быў бы немагчымы.
Але не варта цешыць сябе — Харкаў у бяспецы толькі часова. У іншых раёнах украінскія войскі дзейнічаюць не так паспяхова — на Данбасе расійская артылерыя змушае іх адступаць.
Украіна са сваім харызматычным прэзідэнтам выйграе інфармацыйную вайну. Але, на жаль, агульны зыход канфлікту вырашаецца ў іншай плоскасці».
Цяпер чытаюць
«Яна была спартыўнай дзяўчынай». Што вядома пра загінулую пасажырку дэльтаплана, які ўпаў пад Мінскам1
Каментары