Новы рэкорд па палітычных справах: 22 гады калоніі далі Вячаславу Малейчуку
У Мінскім абласным судзе агучылі прысуд 37-гадоваму ўраджэнцу Піншчыны Вячаславу Малейчуку па «факце арганізацыі 25 сакавіка 2021 года актаў тэрарызму ў гарадах Барысаве і Мінску». Судовая калегія пад старшынствам суддзі Уладзіміра Арэшкі прызначыла яму пакаранне ў выглядзе 22 гадоў калоніі ва ўмовах строгага рэжыму, піша «Вясна».
Малейчука вінавацілі па шэрагу артыкулаў Крымінальнага кодэкса: ч. 1 арт. 14 і ч. 1 арт. 289, ч. 1 арт. 13 ч. 3 арт. 289 (падрыхтоўка і замах на акт тэрарызму), ч. 3 і ч. 4 арт. 295 (незаконныя дзеянні ў дачыненні да выбуховых рэчываў), ч. 1 арт. 295-3 (незаконныя дзеянні ў дачыненні да прадметаў, дзеянне якіх заснаванае на выкарыстанні гаручых рэчываў).
Нагадаем, 26 сакавіка 2021 года МУС заявіла, што нібыта прадухіліла тэракты ў Чыжоўцы і ў вайсковай часці ў Печах. На відэа паказалі Малейчука, які казаў, што атрымаў загад ад кагосьці з «Байпола». Але назіральнікі прыйшлі да высновы, што мела месца правакацыя з боку неўстаноўленых асоб, якія выдавалі сябе за байполаўцаў. Сам жа Маляйчук выглядаў выпадковым чалавекам, якога разыгралі.
Суд над Вячаславам Малейчуком быў закрыты, таму ніякіх падрабязнасцяў пра яго справу грамадства не ведае.
Чытайце таксама:
Смяротнае пакаранне пагражае пінчуку, якога абвінавацілі ў падрыхтоўцы тэрактаў
-
Пасля шасці гадоў зняволення выйшаў на свабоду пінскі палітвязень Ігар Салавей
-
Пратасевіч адказаў Статкевічу і НН: Маё сумленне чыстае. А пра трусы маёй абранніцы прачытаюць больш, чым пра ўсемагчымыя Каардынацыйныя рады
-
Памятаеце жанчыну, якую падманулі расійскія турысты? Кампанія, якая тут ні пры чым, прапанавала ёй кампенсацыю
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары