Афіцыйныя прафсаюзы звярнулі ўвагу на «вельмі высокую» цану беларускай гародніны
Федэрацыю прафсаюзаў Беларусі трывожаць высокія цэны на беларускую гародніну ў крамах і на рынках, нягледзячы на тое, што закупачныя цэны застаюцца нізкімі. Пра гэта заявіў намеснік старшыні ФПБ Уладзімір Пазнякоў, паведаміў канал АНТ.
«На жаль, мы бачым відавочныя праблемы, звязаныя з тым, што тая цана, якая фарміруецца на паліцах крамы, яна вельмі высокая. Тым не менш, закупачная цана на ўзроўні 50-60 капеек», — сказаў Пазнякоў.
Паводле яго слоў, «праз ланцужок пасярэднікаў, дасягаючы паліцы крам, мы бачым цану ў раёне ад 2,5 да 2,7 рубля за той жа агурок».
Іншы прыклад, які прывёў намеснік старшыні ФПБ, — кошты на капусту.
«Мы бачым на прылаўках горада Мінска цяпер капусту з Казахстана − 3.80 — 3.90 рубля. Безумоўна, гэта недапушчальна, калі сёння ў Альшанах мы бачым айчынную капусту, вырашчаную экалагічна чыста, коштам 1,2 рубля», — заявіў Пазнякоў.
І паабяцаў, што «будуць зроблены відавочныя намаганні для таго, каб дэталёвым чынам прасачыць ланцужок цэнаўтварэння і паведаміць пра гэта рэгулятару».
-
«Гэта рызыкоўна для Беларусі». Зяленскі заявіў, што Расія размяшчае абсталяванне для навядзення шахедаў на дахах беларускіх шматпавярховікаў
-
Як беларусы будуць працаваць і адпачываць у 2026 годзе. Мінпрацы апублікавала графік
-
Аналітык Генштаба, які маляваў карту «адкуль рыхтавалася нападзенне», апынуўся ў СІЗА КДБ за працу на ўкраінскую разведку
Цяпер чытаюць
Аналітык Генштаба, які маляваў карту «адкуль рыхтавалася нападзенне», апынуўся ў СІЗА КДБ за працу на ўкраінскую разведку7
Каментары