Цэнтралізаванае тэставанне стартуе ў краіне 14 чэрвеня.
Сёння абітурыенты будуць здаваць беларускую мову, 16 і 17 чэрвеня — рускую.
Графік ЦТ-2022 складзены наступным чынам:
- 14 чэрвеня — беларуская мова;
- 16 і 17 чэрвеня — руская мова;
- 19 чэрвеня — грамадазнаўства;
- 21 і 22 чэрвеня — матэматыка;
- 24 чэрвеня — біялогія;
- 26 чэрвеня — замежная мова (англійская, нямецкая, французская, іспанская, кітайская);
- 28 чэрвеня — хімія;
- 30 чэрвеня — фізіка;
- 2 ліпеня — гісторыя Беларусі;
- 4 ліпеня — геаграфія;
- 6 ліпеня — сусветная гісторыя (найноўшы час).
У Міністэрстве адукацыі раяць абітурыентам за дзень да іспыту выспацца, а таксама настроіцца на поспех. Непасрэдна перад іспытам рэкамендуецца выпіць крыху вады, каб палепшыць працу мозгу, адмовіцца ад прыёму заспакаяльных і не прыходзіць у пункт здачы тэставання задоўга да пачатку, каб не перанервавацца.
Цэнтралізаванае тэставанне пачнецца ў 11:00, Аднак рэкамендуецца прыйсці загадзя і прайсці рэгістрацыю як мінімум за 30 хвілін да пачатку выпрабавання. Пры сабе трэба мець пропуск, дакумент, які сведчыць пра асобу (пашпарт, дазвол на жыхарства альбо пасведчанне бежанца), а таксама ручку з чарніламі чорнага колеру.
Падчас экзамену забаронена выкарыстанне мабільных тэлефонаў або іншых прылад, якія перадаюць, прымаюць і захоўваюць інфармацыю. Абітурыентам таксама не дазваляецца мяняцца месцамі, экзаменацыйнымі лістамі, прасіць дапамогі ў выкананні заданняў у іншых удзельнікаў. За любое з гэтых парушэнняў навучэнец будзе выдалены з тэставання.
Пасля выдалення з аўдыторыі абітурыент пазбаўляецца права паўторна здаць тэставанне ў рэзервовы дзень бягучай уступнай кампаніі.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары