Брытанская разведка: Сілы «ДНР» страцілі забітымі і параненымі больш за палову сваіх байцоў
Як вынікае з новага дакладу брытанскай вайсковай разведкі, расійскія войскі і сілы самаабвешчанай «ДНР», якія ваююць ва Украіне, панеслі падчас баёў у Данецкай вобласці цяжкія страты. Паводле ацэнак брытанскіх вайскоўцаў, апалчэнцы ДНР страцілі да 55% свайго першапачатковага асабістага складу, што сведчыць пра вельмі высокае іх знясіленне. Гэтыя высновы грунтуюцца на дадзеных, якія публікуюцца уладамі «ДНР», піша Бі-бі-сі.
Фота: EPA
«Упаўнаважаная па правах чалавека ў ДНР» Дар'я Марозава на мінулым тыдні заявіла пра 2128 загінулых і 8897 параненых з пачатку 2022 года «апалчэнцаў».
Вось ужо некалькі месяцаў з Данецкай вобласці паступаюць паведамленні, што цывільных асоб у прымусовым парадку запісваюць у «апалчэнцы» і кідаюць у бой, прычым у старым абмундзіраванні і часта са старой зношанай зброяй. Пра высокі баявы дух гэтых «апалчэнцаў» казаць не даводзіцца.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішы ў наш Тэлеграм
