Уладзімір Пуцін 7 ліпеня падчас сустрэчы з кіраўніцтвам Дзярждумы РФ і кіраўнікамі фракцый заявіў, што Расія ва Украіне «сур'ёзна яшчэ нічога не пачынала». Ад гэтай сустрэчы, як і ад іншых падобных сустрэч Пуціна, чакалі магчымых праграмных заяў, чагосьці новага, але ўсё ў выніку звялося да раблення добрай міны пры не вельмі добрай гульні і чарговага агучвання ўжо шмат разоў сказаных перад гэтым прапагандысцкіх тэзісаў.
«Сёння мы чуем, што нас хочуць перамагчы на полі бою. Што тут скажаш, хай паспрабуюць. Мы ўжо шмат разоў чулі, што Захад хоча ваяваць з намі да апошняга ўкраінца. Гэта трагедыя для ўкраінскага народа, але, падобна, усё да гэтага ідзе. …
Усе павінны ведаць, што мы па вялікім рахунку сур'ёзна пакуль яшчэ нічога не пачыналі. Пры гэтым мы не адмаўляемся і ад мірных перамоваў. Але тыя, хто адмаўляюцца, павінны ведаць, што чым далей, тым складаней ім будзе з намі дамаўляцца», — сказаў расійскі прэзідэнт.
Адказнасць за развязванне ўзброенага супрацьстаяння Пуцін ужо звыкла ўсклаў на лідараў заходніх краін. Па ягоных словах, менавіта яны пачалі гэты канфлікт, падтрымаўшы «дзяржпераварот ва Украіне ў 2014 годзе».
Пры гэтым Пуцін не выключыў, што падтрымка Украіны заходнімі палітыкамі была толькі нагодай. А на самай жа справе, маўляў, мэта была іншай: развязаць канфлікт менавіта з Масквой, каб «перайсці да новага этапу барацьбы з Расіяй», — і гэта ўдалося.
Ён таксама заявіў, што «Захад ужо прайграў гэтую бітву, паколькі пачатак спецаперацыі ва Украіне стаў пачаткам разгрому светапарадку, заснаванага на правілах ЗША, і пераходу да шматпалярнага свету».
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары