Дарадца кіраўніка Херсонскай вобласці патлумачыў, навошта УСУ б’юць па мастах
Вось што Сяргей Хлань напісаў у фэйсбуку: «Антонаўскі мост быў ключавым элементам забеспячэння расійскіх войскаў праз Левабярэжжа [Дняпра]. У той жа час Узброеныя сілы Украіны ўскладняюць шляхі забеспячэння і Правабярэжжа.
Сёння раніцай, як звычайна, з хірургічнай дакладнасцю вайскоўцы нанеслі ўдар па Дар'еўскім мосце праз Інгулец. Гэта працяг аперацыі па адключэнні херсонскай групоўкі расіян ад забеспячэння.
Кожны мост з'яўляецца слабым месцам у лагістыцы. Гэта яшчэ не вызваленне Херсона, але сур'ёзныя падрыхтоўчыя крокі ў гэтым кірунку.
Гэтыя ўдары дэманструюць галоўнае — мы адыходзім ад савецкай арміі, якая штурмуе гарады, нягледзячы на разбурэнні і страты.
Мы становімся заходняй арміяй. Арміяй, якая абараняе жыццё сваіх салдат і выкарыстоўвае стратэгію непрамых дзеянняў. Гэта значыць мы «змякчаем» абарону праціўніка, знішчаючы аператыўны тыл, без чаго пярэдняя лінія разбураецца нават ад нязначнага ўдару.
Безумоўна, гэта было б немагчыма без заходняй зброі. HIMARS і нашы хлопцы і дзяўчаты з Узброеных сіл — выдатнае спалучэнне».
Цяпер чытаюць
«Мы не ведалі Сяргея Ціханоўскага да сённяшняй прэс-канферэнцыі»12
Каментары