Расійская армія нанесла ўдар па аб'екту ваеннай інфраструктуры ў порце Адэсы, заявіла прадстаўнік МЗС Расіі Марыя Захарава ў Telegram.
Яна працытавала прэзідэнта Украіны Уладзіміра Зяленскага, які назваў атаку «абуральным расійскім варварствам».
«Калі нехта ў свеце яшчэ мог сказаць, што патрэбны нейкі дыялог з Расіяй, нейкія дамоўленасці, паглядзіце, што адбываецца. Сённяшнія расійскія ракеты «Калібр» знішчылі саму магчымасць падобных заяў», — сказаў ён у відэазвароце.
«Ракеты «Калібр» знішчылі аб'ект ваеннай інфраструктуры адэскага порта, высокадакладным ударам, даслаўшы ўкраінскі ваенны катар па любімым адрасе кіеўскага рэжыма», — напісала на гэта Захарава.
Пры гэтым напярэдадні міністр абароны Турцыі Хулусі Акар паведаміў са спасылкай на расійскіх афіцыйных асоб, што Расія заяўляе аб сваёй недатычнасці да ўдару ў раёне порта Адэсы. «Падчас нашага кантакту расейцы сказалі нам, што яны не маюць абсалютна ніякага дачынення да гэтага нападу і што яны вельмі ўважліва і падрабязна вывучаюць гэтае пытанне», — падкрэсліў ён.
Цяпер чытаюць
Хто тая беларуска, якую экстрадавалі ў ЗША для суда за кантрабанду дэталяў для самалётаў8
Каментары