Шмат буслоў перастала міграваць у Афрыку, ім добра на іспанскіх сметніках
Каля 70% буслоў больш не мігруюць у Афрыку, у асноўным з-за лёгкадаступнай ежы, якую яны могуць знайсці ў Іспаніі на сметніках, піша Rfi.fr. Там яны і праводзяць усю зіму, а некаторыя застаюцца назусім.
Акрамя багацця ежы, змене птушыных паводзін спрыяе змяненне клімату: зімы на Пірынейскім паўвостраве цяпер сталі больш мяккімі.
У многіх іспанскіх гарадах, такіх як Пінта і Алькала-дэ-Энарэс ў ваколіцах Мадрыда, у апошнія дзесяцігоддзі з'явіліся велізарныя сметнікі, дзе птушкі круглы год могуць знайсці сабе ежу. На кожны сметнік штодня паступае ад 200 да 300 тон харчовых адходаў, і буслы адразу накіроўваюцца ў зоны, «дзе ёсць свежае смецце». Рабочыя, якія працуюць на сметніках, кажуць, што гэта ўжо неад'емная рыса ландшафту там.
Перапіс 2020 года, праведзены арганізацыяй SEO Birdlife, выявіў у Іспаніі 36217 белых буслоў. У гэты лік уваходзяць птушкі, якія нарадзіліся ў Іспаніі, а таксама буслы з паўночных еўрапейскіх краін — Даніі, Германіі і Нідэрландаў. Многія з іх так і не вяртаюцца на радзіму, а застаюцца ў Іспаніі.
Ці ёсць сярод белых птушак на іспанскіх сметніках выхадцы з Беларусі ці суседніх краін — аўтары артыкула не згадваюць.
Цяпер чытаюць
Дзе працуюць і як выглядаюць жонкі топ-чыноўнікаў?14
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Зимой вроде улетают. Может и на испанские раздолья.
Там кстати и чаек три или четыре вида водится.
Скоро заповедный статус придется присваивать.
Который у Лебяжьего забрали.