Міністр адукацыі: Падчас цэнтралізаванага экзамена тэставая частка складзе толькі 20-25%
З наступнага года ў Беларусі выпускнікі 11-х класаў у якасці выпускных экзаменаў будуць здаваць цэнтралізаваны экзамен, які заменіць і ЦТ па адпаведных прадметах. Міністр адукацыі Андрэй Іванец у эфіры АНТ раскрыў падрабязнасці таго, як зменяцца заданні іспыту ў параўнанні з ЦТ.
Па словах міністра, пры пераходзе да цэнтралізаванага экзамена захаваецца галоўная перавага, якую давала ЦТ, — роўныя ўмовы для ацэнкі ведаў абітурыентаў. Пры гэтым заданні зробяць такімі, каб можна было «ўбачыць» абітурыента.
Для гэтага вырашана змяніць суадносіны тэставых заданняў і заданняў без варыянтаў адказу ў экзаменацыйнай рабоце.
«У першую чаргу мы пераглядаем падыходы з пункту гледжання складнікаў тэставай і так званай кантрольнай работы ў структуры тэста. Цяпер гэта прыкладна 50 на 50. Мяркуем, што выйдзем на лічбы, дзе тэставая частка зойме толькі 20-25% ад 100 балаў. Астатняе — гэта будзе традыцыйная кантрольная работа», — расказаў Іванец.
Пры гэтым заданні і кантрольнай работы будуць правярацца камп'ютарам, падкрэсліў міністр. Гэта значыць, карупцыйныя рызыкі, упэўнены ён, па-ранейшаму будуць выключаныя.
Адначасова ён звярнуў увагу, што цяпер у ВНУ можа паступіць ледзь не кожны, незалежна ад якасці падрыхтоўкі:
«Сёлета ў нас ЦТ здавалі крыху больш, чым 61 тысяча маладых людзей. З іх выпускнікоў 11 класаў — каля 52 тысяч. А месцаў для паступлення ў ВНУ — 53,5 тысячы, гэта бюджэтныя і платныя. Які сярэдні конкурс можа быць на ўсе спецыяльнасці? Відавочна, не вельмі высокі. Гэта сведчыць пра тое, што ў нашай краіне створаныя ўсе ўмовы для таго, каб кожны ахвотны мог атрымаць вышэйшую адукацыю».
-
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю
-
Пасол Украіны па пытаннях Беларусі: «Пазіцыя Ціханоўскай дакладна не пацыфісцкая»
-
Ці могуць мінскія школьнікі бясплатна карыстацца грамадскім транспартам падчас летніх канікул?
Каментары
тэставанне насамрэч - не надта добрая штука для ацэнкі ведаў, а тым больш пра здольнасць думаць. бо так куды прасцей проста зазубрыць ці нават проста тыкаючы на ўгад пры належным шанцаванні трапіць у дзесятачку
не перастаю дзівіцца... здавалася б з кожным пакаленнем мовы ў нас мусіць быць усё менш і менш... а асабліва цяпер і ў дадзеных варунках...
але не...
я бачу - што мова не перастае