Падрабязнасці трагедыі расказалі ў Дзяржаўным камітэце судовых экспертыз Беларусі. Мужчына выехаў з Брэста, каб дапамагчы сыну падчас працы на пчальніку, які знаходзіцца ў адной з вёсак Маларыцкага раёна.
Калі бацька і сын пачалі працаваць, старэйшага мужчыну некалькі разоў укусілі пчолы ў раён шыі і галавы. Пацярпелы адчуў пякучы боль, а месцы ўкусаў пачырванелі і зацяклі.
Пасля мужчыну стала зусім дрэнна. Выкліканыя сваякамі на месца трагедыі медыкі выратаваць пацярпелага не змаглі. Рэанімацыйныя мерапрыемствы не мелі поспеху, чалавек памёр.
На месца здарэння прыбылі следчыя і эксперты, якія прыйшлі да высновы, што смерць адбылася ад анафілактычнага шоку.
Нягледзячы на тое, што пчолы лічацца вельмі карыснымі насякомымі, усяго адзін іх укус можа справакаваць моцную алергічную рэакцыю, якая можа мець трагічныя наступствы.
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары
Не факт, што пчолы вінаватыя. Тут можа быць індывідуальная ўспрымальнасць. Прычым яна мяняецца ў аднаго й таго ж чалавека з цягам часу. Па сабе ведаю: ў дзяцінстве жыў у вёсцы і пчолы кусалі амаль штогод, а пухліны былі вялізныя. А зараз мне пад 40, жыву ў горадзе. Той год укусіла пчала, а месца амаль не ўспухла. Прычым нават джала не даставаў, бо адмыслова звярнуўся да пчалавода дзеля апітэрапіі.