У Баранавічах у будынку былой наркалогіі адкрыюць вясельны салон
Гістарычны будынак даваеннай пабудовы на вуліцы Тэльмана, у якім калісьці размяшчаўся наркалагічны дыспансер, цяперашні ўласнік — баранавіцкі прадпрымальнік Сяргей Вішнеўскі — набыў з аўкцыёну ў 2019 годзе. Бізнэсовец паказаў план рэканструкцыі, паведамляе «Наш край».
«Будынак будзе рэканструяваны ў стылі аптэкі Лаеўскага і пажарнага дэпо. На першым паверсе мяркуецца размясціць вясельны і мэблевы салоны, швейнае атэлье, пункт па прыёме і выдачы заказаў па рамонце бытавой тэхнікі, аказанні бытавых паслуг. На другім паверсе будуць офісныя памяшканні. Побач пабудуем яшчэ адзін будынак, у якім плануем адкрыць харчовую краму, у тым ліку і нашу фірмовую, мясны «Пятачок», — распавёў уладальнік.
Побач з'явіцца паркоўка.
Праект рэканструкцыі падрыхтавала майстэрня Патоцкага.
Гэты будынак пустуе з 2009 года. Некалькі разоў яго хацелі знесці, але ў 2018 годзе Міністэрства культуры ўключыла яго ў «зону рэгулявання забудовы» будынка пажарнага дэпо, які знаходзіцца пад абаронай дзяржавы.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары
на фасадзік, што справа зверху спачатку падумала, што так і мусіць быць - у форме жаночай фігуры..)