«Моцная як ніколі». Нямецкая Die Welt ставіць Польшчу на адзін узровень з Германіяй і Францыяй
«Польшча моцная, як ніколі раней, і вайна ва Украіне зрабіла яе цэнтральным гульцом у еўрапейскай палітыцы. Гэта, у сваю чаргу, з’яўляецца выклікам для Бруселя. Там уважліва прыслухоўваюцца да заяў Яраслава Качыньскага», — піша нямецкі штодзённік.
«Інтэрв'ю польскіх палітыкаў сваім часопісам рэдка гучаць за межамі Польшчы. Але калі Яраслаў Качыньскі размаўляе з прэсай, дыпламаты ў Бруселі ці Берліне таксама ўважліва слухаюць. Таму што тое, што кажа лідар кіруючай партыі PiS, мае часта не толькі правакацыйны, але і тэндэнцыйны характар у польскай палітыцы», — адзначае нямецкае выданне.
«Мы не ўпісваемся ў нямецка-расійскія планы адносна Еўропы», — сказаў Качыньскі выданню «Sieci». Незалежная, эканамічна, сацыяльна і ваенна моцная Польшча з'яўляецца для іх перашкодай, дадаў ён.
«Прэзідэнт PiS у інтэрв'ю абвясціў курс на канфрантацыю з Бруселем», — робіць выснову Die Welt.
З Польшчай пачалі лічыцца
«Тон такіх заяў […] не з'яўляецца чымсьці новым. Аднак Польшча і Качыньскі сапраўды маюць рацыю ў гэтым пытанні, яны моцныя як ніколі, бо сталі цэнтральным актарам у еўрапейскай палітыцы», — пішуць нямецкія журналісты.
«Польшча з 38 мільёнамі жыхароў з'яўляецца адной з найбуйнейшых краін ЕС. Маючы магутную армію, якая неўзабаве стане самай вялікай у Еўропе, Польшча будзе забяспечваць абарону ўсходняга флангу НАТА», — адзначаецца ў часопісе.
«Польшча ператварылася ў цэнтральнага партнёра палітыкі бяспекі ЗША ў Еўропе», — заявіў Die Welt Міхал Бараноўскі, кіраўнік варшаўскага офіса амерыканскага аналітычнага цэнтра German Marshall Fund.
Польшча ў энергетычным плане стала незалежнай ад Расіі, у яе ёсць свой тэрмінал звадкаванага прыроднага газу на ўзбярэжжы Балтыйскага мора, а таксама планы развіваць ядзерную энергетыку.
«Усё гэта фактычна з'яўляецца перадумовамі для фармавання моцнай пазіцыі ў ЕС», — падкрэслівае нямецкая газета.
Вайна ва Украіне ўзмацніла Польшчу
«З 24 лютага мяжу з Польшчай перасеклі больш за 5 мільёнаў уцекачоў з Украіны. Там яны пабачылі вялікае жаданне ім дапамагчы. У Польшчы вельмі рана зразумелі сур'ёзнасць сітуацыі, — тлумачыць Бараноўскі. — Удзел Варшавы ў дапамозе ўцекачам, а таксама пастаўкі зброі пазітыўна змянілі імідж Польшчы за мяжой».
«Акрамя эканомікі, польская армія таксама з'яўляецца фактарам уплыву. Таму што, калі агрэсіўная Расія стварае пастаянную пагрозу бяспецы Еўропы, а гэтага можна чакаць нават пасля спынення агню ва Украіне, то Польшча мае патэнцыял стаць побач з ключавым краінамі ЕС, гэта значыць, Германіяй і Францыяй», — чытаем у «Die Welt».
-
Еўракамісія прадставіла прапановы па 20‑м пакеце санкцый супраць Расіі. Яго маюць прыняць да гадавіны вайны
-
У Пакістане здзейснілі тэракт у мячэці, загінулі больш за 30 чалавек
-
Генерал Аляксееў, у якога сёння стралялі ў Маскве, датычны да катавання абаронцаў «Азоўсталі». Пракапенка: Справу давядзём да канца
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні42
Каментары