Расіяне напісалі 144 835 даносаў наконт «дыскрэдытацыі другой арміі свету»
За паўгода расіяне напісалі больш за 144 тысячы даносаў — і гэта толькі ў Раскамнагляд.
Большая частка — скаргі на «фэйкі пра спецаперацыю», якія размешчаныя ў інтэрнэце. Колькасць даносаў-допісаў вырасла ўдвая, паведамляе thinktanks.by.
З пачатку 2022 года ў Раскамнагляд РФ паступіла 144835 скаргаў. Гэта на чвэрць больш, чым за аналагічны перыяд мінулага года. Большасць скаргаў былі аформленыя ў электронным фармаце, паведамляе прэс-служба Раскамнагляду.
Больш за ўсё зваротаў паступіла ў сакавіку — 10 323. Гэта амаль у чатыры разы больш за паказчыкі мінулага года.
Расіяне скардзіліся на размешчаную ў інтэрнэце «супрацьпраўную інфармацыю», у тым ліку «фэйкі» аб правядзенні спецыяльнай ваеннай аперацыі ва Украіне. Скаргі на супрацьпраўную інфармацыю пачасціліся за год у два разы.
«Часцей за ўсё грамадзяне звярталіся ў Раскамнагляд з просьбай выдаліць спасылкі на рэсурсы з праўкраінскай прапагандай», — паведамляецца ў прэс-рэлізе. Шмат скаргаў таксама было наконт абароны персанальных даных — больш за 27 тысяч.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца3
Каментары