ЕС назваў затрыманне свайго дыпламата ў Мінску сур'ёзным парушэннем Венскай канвенцыі
Прадстаўніцтва Еўрасаюза ў Беларусі пракаментавала затрыманне часовай паверанай у справах ЕС у Беларусі Эвеліны Шульц і назвала гэта найгрубейшым парушэннем Венскай канвенцыі. У сувязі з інцыдэнтам Еўрапейская служба знешніх дзеянняў выклікала часовую павераную ў справах Беларусі ў ЕС.
«Гэта незаконнае затрыманне дыпламата з'яўляецца сур'ёзным парушэннем Венскай канвенцыі аб дыпламатычных зносінах, якая гарантуе асабістую недатыкальнасць дыпламатаў, і ставіць пад пытанне бяспеку дыпламатаў у Беларусі. Такое незаконнае затрыманне дыпламатычнага персаналу ЕС адбываецца ўжо другі раз. Еўрапейская служба знешніх дзеянняў ужо выклікала беларускую часовую павераную ў Бруселі для тлумачэння гэтага сур'ёзнага інцыдэнту», — паведамілі выданню Reform.by у прадстаўніцтве ЕС у Беларусі.
6 верасня пасля абвяшчэння прысуду ў справе «Рэвалюцыйнага дзеяння» былі затрыманыя некалькі чалавек, у тым ліку часовая павераная ў справах Еўрасаюза у Беларусі Эвеліна Шульц. Яе адпусцілі толькі праз дзве гадзіны.
Чытайце таксама:
Часовую павераную ў справах ЕС у Беларусі затрымалі пасля суда над палітвязнямі і каля 2 гадзін утрымлівалі ў міліцыі
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі11
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары